好運強記食堂 (已結業)

穿过一片杜琪峰式警匪片嘅经典街景，走入一栋残旧嘅工厂大厦，搭上一部「迷离夜」式嘅电梯，发现工厦内的一片天地！要提早两个月Book先食到。其貌不扬，装修一般，食物就真心唔错。激赞杏汁白肺汤同冰醉濑尿虾！肺处理得好干净，汤煲到好香浓，一人得一碗，好矜贵😁 濑尿虾劲大只！啖啖肉，连虾钳都好好肉！肉身爽，羔香，淡淡酒香，食完呢两只已经好满足😍其他小菜亦都不俗。虾酱骨好入味，上台时已闻到好香，不过略嫌咸，适宜送酒。三宝嘅炸大肠皮脆；咸鱼肉饼同虾酱骨嘅炮制方法应该类似，都系好入味；招牌叉烧，煮到收汁而成，非碳烤类。呢度碟头大，仲有好多菜式好想试但都无肚载，多啲朋友一齐share就可以试多几碟𩠌喇。发现我哋隔离张大台嘅朋友好醒，佢哋原本应该系唔识嘅，可能透过网络约埋一齐嚟呢度「拼台」。亦都只有有咁上下实力嘅餐厅先可以令人谂到如此办法。