魔膳工房 (已易手) 新餐厅

事隔一个月，没食过西餐，心思思又想去食，咁啱，约个仔观塘等我放工。放工后，观塘人流都仲好多，想唔到位于厂厦内的餐厅都唔少食客，约到无啱，竟然隔离坐了同事，真开心！餐厅好大，阔落，餐桌排列整齐，服务殷勤，播放悠扬音乐，好舒服，唔想走！想要有更私人空间，仲有私房可以订！私隐空间，令你食得更开怀，畅所欲言。我地叫左两份Set Dinner, 餐汤系南瓜忌廉汤，杂菜汤，两款汤唔够热，只得暖。杂菜稍为带酸，餐包外脆内软。西班牙火腿卡邦尼意粉，热呼呼，香喷喷，意粉软硬适中，香浓酱汁刚好挂满、吸收每一条意粉，火腿烤得香脆，咸香味浓，伴以意粉，啖啖美味在口中徘徊。西班牙海鲜烩饭，香浓热饭，每粒米饭都吸收了海鲜鲜味，饭面上摆了数款海鲜，虎虾、鱿鱼圈、青口。虎虾有手掌咁大，煎炸得脆卜卜，虾肉弹牙爽口，一口咬落虾头，虾膏即时溅出，连虾壳都食埋，鲜味十足。烩饭则咸咗少少。中间位置，放有自助沙律，每位需另加$38/位，即可以任食。