影片
更多
2012-06-11
864 浏览
本人系一个不节不扣既车仔面迷。因为屋企住既地方近车仔面舖既关系，所以我由三四岁开始食车仔面。又因为我屋企附近果间车仔面舖，系我咁多年食过既 "十星"车仔面。其实二十几年黎，转过几次手，近年又转返二十年前既老细，但系质素巳经大不如前。但依然有八粒半到九粒星。我食过好多所谓出名既车仔面，有难食嘅，有好食嘅，有不过不失嘅，有平，有贵，有天价既车仔面。我食过最贵既五𩠌一面加可乐，买单先发觉要三位数，但系呢间系好食既，有七粒半星。我食过既车仔面舖，有响深水埗，旺角，尖沙咀，铜锣湾，观塘，彩虹，牛头角，坑口，北角，南山村，白田，大坑东，甚至大角咀。但系，呢间真系名过于实，我唔知之前咁多个正评，系咪真心觉得好食，我希望只系我条脷有问题，而除左我之外，大家都食得开心。评分前，真系有少少忐忑，唔知咁讲会唔会有人唔开心，如果老细睇到，你想揾我，我好乐意比意见。因为我食咁多年车仔面，有无心做，一食就食到。呢间车仔面，一攞碗面过黎，见到成碗面，就有一种唔开心既感觉。1）通想食车仔面，我都系食油面或粗面。因为米粉，河粉，丁面，几时都有得食。我食野通常食D平时少食，或者比较难有得食既野，例如打冷会食焗鱼肠，因为因
我食过好多所谓出名既车仔面，有难食嘅，有好食嘅，有不过不失嘅，有平，有贵，有天价既车仔面。我食过最贵既五𩠌一面加可乐，买单先发觉要三位数，但系呢间系好食既，有七粒半星。
我食过既车仔面舖，有响深水埗，旺角，尖沙咀，铜锣湾，观塘，彩虹，牛头角，坑口，北角，南山村，白田，大坑东，甚至大角咀。但系，呢间真系名过于实，我唔知之前咁多个正评，系咪真心觉得好食，我希望只系我条脷有问题，而除左我之外，大家都食得开心。
评分前，真系有少少忐忑，唔知咁讲会唔会有人唔开心，如果老细睇到，你想揾我，我好乐意比意见。因为我食咁多年车仔面，有无心做，一食就食到。呢间车仔面，一攞碗面过黎，见到成碗面，就有一种唔开心既感觉。
1）通想食车仔面，我都系食油面或粗面。因为米粉，河粉，丁面，几时都有得食。我食野通常食D平时少食，或者比较难有得食既野，例如打冷会食焗鱼肠，因为因系无乜机会会食到，你去鱼舖都无鱼肠比你买。讲返个面，通常叫粗面既，都会偏硬，所以我一般会叫人煮耐D。我唔知之前既正评，讲话二十蚊个面好扺系讲紧几多年前。份量比我食过任何地方都要少，有时，真系唔系钱问题，但系食得无咁开心。心谂，如果好食，再少都系底既，就好似细可乐咁，永远好饮过大可乐既。
(P.S通常4-5蚊一个面。$8 - $10 有两个面) 其实面本身无问题，只系一般面舖买返黎既蛋面。但系收费真系贵，份量其少，如果好食会加面，但系食左第一啖之后无，原因如下。亦无影到相，唔钟意食野之前验尸式影相。你响白田收呢个价，铜锣湾都系收紧$8蚊一只粗面。
2)汤底巳经不知所谓，我食咁多年车仔面，有好，有差。但系未食过咁差，真系得味精水加卤水汁就算。
3)猪肠，又系少得可怜。虽然，我知依家猪肠来价唔平，但系猪肠有分大肠同幼身两只，依家好难买到幼身果只，一般车仔面舖会用大肠，成本较高，系雪藏。边只好味，见仁见智，细肠虽来价较平，但手工多。你用紧果只，正正系我话好食果间用果只，但系点解可以难食咁多既？读者可以去试下，就知有以少。
都系果句，如果好食，都系无问题。但系，真系好少食 “卤水猪肠”。老细自已试下丫，苦ga，系D卤水汁有问题，落得太多八角，多到有苦味。重要洗唔净D肠。
4)猪皮算叫做较为正常，只系正常，唔系好食。夹硬要讲，都系偏"林"，但系卤水，卤“秋”，定蚝油朱皮，真系怪，呢个系个人口味问题，系我既问题，我知有人会觉得好食。但我“个人”认为咖哩猪皮会比较适合车仔面。
5）萝卜系咁多样野之中最失败既𩠌，又系啡色既，我食亲好食既都系白色既。都唔知佢用咩野去煮，是旦喇。但系林到乜都食唔到，入口即溶。我可以就咁用条脷去压扁D萝卜，之后直接吞落肚。OMG, 重要又系卤水汁既苦味。
可能老细觉得好直得为你自制既卤水汁而骄傲，所以猪皮，萝卜，猪肠，甚至汤底，都用卤水汁。但系，如果个卤水汁一有问题，就成碗都有问题。
总结：碗面感觉揸流滩。老细唔洗我教佢做生意喇，先唔讲质素，但系成碗面，真系感觉小家。一见到碗面果刻真系有少少surprise，一般人唔会expect既份量。我打个比喻，我话好食果间车仔面舖，每次我无叫菜，佢都会比两条唐生菜我，最后我觉得唔够，都会叫多个通菜，变做四𩠌。你明我讲咩嘛？你真系比得少猪肠，你收9蚊，total得三吋，一定无夸张到。但系你又为左无咁难睇，你剪到得.5cm一旧猪肠，剪到七八旧出黎，个Size跟本就唔好食，我令愿你剪两三旧一吋比我既算喇。0.5cm入面又多肥膏，重有.....。最后无食到。我话好食果间，$5有五旧，人地一旧有成两吋，见到就开心，食落重开心，人地真系整得好食。
如果老细尝面，我可以请你食碗外卖，我估你食完会明我讲乜。
评论完毕，讲完。
张贴