Lab Made 分子雪糕專門店 (已結業)

是晚两位女生吃罢中式小菜，因甜品选择不合胃而决定转场！忽然记得袋中有两张分子雪糕卷，就决定稍移玉步行过隔离街换左佢！今期的四款口味！有我喜欢的腐竹鸡蛋糖水味！分子雪糕系即叫即做，我是用礼券的，所以收费是waive 了！单上印有编号，看著萤光幕的号码领取雪糕就可以！等左五至十分钟左右就到我拎～不过发生左一件小事，在等食的时候，我见到之前𠮶个客最上面𠮶层sauce 系用吱吱樽吱上去嘅，而到整我𠮶杯时，女店员刚刚由大樽转细樽，去到最底又好难转入细樽，我睇住佢想淋落去，立即叫住唔好淋呀，淋落去好丑样㗎！不过佢唔理照倒落去，个成品立即似baby food !本身分子雪糕已经系半溶化仲要一野淋落去，仲要叫住都仲唔停！嬲到我啤行呀！杯雪糕我㗎！之后女店员话，你用啲Filter,美图秀秀执左先放上网咪一样！本来都无咁火的，执唔执相使你教！我而家觉得好核突连食都唔想食，咪应该多谢你只神来之笔呢！男店员应该闻到火药味，话整过杯俾我！咁就算啦，等多五分钟啰！讲返杯雪糕，我拣左腐竹鸡蛋糖水味，延续是晚的小厨中菜风，呢个味道我食过好几次，每次食都会觉得好惊为天人，之后又会记得自己食过！豆腐味虽浓郁，但整体好清新