老媽拌麵 (屯門市廣場1期) (已結業)

OT完又有一连三日嘅假期，要适当休息下食下饭。老妈拌面开咗一排都未去食过，要试吓。我同同事都拣咗拌面。之前都系超市买过唔同台湾牌子嘅拌面，味道唔错，就系未食过老妈嘅。我叫咗地狱麻辣牛肉拌面，要刺激吓成个人，如果唔系dull到死。一上菜就闻到麻辣味，唔食辣嘅同事比我更加sensitive。食落去果然系几辣下，但系得个辣味。个种辣系一下刺激嘅，而唔系好香浓嘅辣味。味道好单调，完全冇层次，欠缺咸味。唔欣赏佢嘅调味。只蛋卖相都....不得不提，面质系唔错，好挂汁。性价比真系一大败笔，$72但分量少。女仔肚饿啲都唔够食。相信去买一Pack自己煮会更抵。同事𠮶个葱油嫩鸡拌面评价都好一般，「系Seven系葱油」（Colleague, 2021）。但同样幼面面质系好味嘅。