泰尚泰國菜館

营业中

休息中

嚟西环揾个frd，街坊带我嚟喱间开咁廿年嘅泰国菜，声称喺街坊先知嘅超正老店。果然又真喺好多街坊叫外卖，亦都有好多外国人帮衬。街坊推介二人餐，因为有齐前菜、汤、同两个𩠌，再包白饭或蒜蓉包。头盘拣咗串烧先，因为都操肌肉，所以就keep住做食肉兽，Total四串都大大串，鸡牛猪任你拣。我想讲呢个冬阴功汤真系好浓郁，最钟意呢啲咁重料足料嘅汤，有时觉得其他泰国餐厅就咗香港人嘅口味，呢个真系够晒正宗，香料重，仲要有大大只虾。另外叫咗金不换炒牛柳粒同埋青咖喱猪颈肉，其实真系太多肉，不过要补充蛋白质冇计啦，但系我想讲个蒜蓉包真系停唔到口。点样戒淀粉都好个蒜蓉包点落个咖喱到，真系好难抗拒。唔知点样形容个包真系外皮好脆，但系咬落去呢又好松化，个包仲识回弹，真系好好味，一定一定一定要食蒜蓉包。呢间餐厅份量真系好足够，其实呢个二人餐真系够三四个人食，同埋好近叮叮巴士同地铁站。