一鳴屋台料理

营业中

休息中

2025年1月1號，難得嚟到上水，泊低架單車。搵到一間可以食拉麵，點都要試吓啦。店面同埋店入邊都環境好好，就好似去咗日本咁。有陣時就係鍾意呢種感覺，你知啦我哋呢啲打工仔唔係下下都可以即刻飛到日本鄉下㗎嘛。二話不說，坐低之後就嗌咗個一鳴拉麵，仲加咗個餃子。本身諗住飲番杯啤酒，但一陣要踩車（踩單車），注意安全，咁就飲少咗杯啦。為己為人呀嘛。講返啲嘢食先，個拉麵我揀咗太麵。太麵嘅麵質一流，簡直係無得頂。咁當然塊叉燒都重要啦，外軟內脆。唔係，係外脆內軟先啱。食過返尋味。當然，個餃子都超正。如果假期難得踩單車，或者都可以過呢邊食個拉麵補充體力。 順祝各位新一年身體健康。