立体派拉麵 (棉登徑) (已結業)

日本野應該冇乜香港人唔中意食！魚生、壽司呢d簡直係日日食都唔厭！日本拉麵都係令人朝思暮想既食物，好彩香港乜都有得食！呢晚因為想食拉麵係尖沙咀逛左陣終於黎左呢間立体派！我地一行三人入到黎坐左係4人枱既位置，佢都有好多一人位，好似日本拉麵店咁，你多人少少黎食又得，一個人黎食都冇問題，照顧左唔同人數既需要～我地叫左個黃金味增拉麵，特選白湯拉麵（大），炸雞，餃子，同埋黑白啤～啤酒個名改得好靚，值得一讚既係佢連杯都雪凍埋！咁樣d啤酒倒入杯都可以凍住！好貼心！ 味道更加係提升左！黃金味增拉麵：拌有辣既肉醬，呢碗拉麵既麵底軟硬剛好，湯底有濃郁既鮮味，仲要加左辣肉醬有點兒辣味！真係夠哂層次豐富！同埋份量都真係唔少～～同埋夠多蔥!感覺好好！！白湯拉麵： 夠哂多叉燒！又有流心蛋，個湯底好有肉既精華味道！同埋份量都真係幾多，食唔到咁多麵都可以兩個女仔share! 不過一人一碗就爽d!餃子：味道好好！！ 好想再食多次！炸雞：粉夠薄，熱辣辣勁脆口！ 打到呢度又好想再食多一次！