立体派拉麵 (棉登徑) (已結業)

日本野应该冇乜香港人唔中意食！鱼生、寿司呢d简直系日日食都唔厌！日本拉面都系令人朝思暮想既食物，好彩香港乜都有得食！呢晚因为想食拉面系尖沙咀逛左阵终于黎左呢间立体派！我地一行三人入到黎坐左系4人枱既位置，佢都有好多一人位，好似日本拉面店咁，你多人少少黎食又得，一个人黎食都冇问题，照顾左唔同人数既需要～我地叫左个黄金味增拉面，特选白汤拉面（大），炸鸡，饺子，同埋黑白啤～啤酒个名改得好靓，值得一赞既系佢连杯都雪冻埋！咁样d啤酒倒入杯都可以冻住！好贴心！ 味道更加系提升左！黄金味增拉面：拌有辣既肉酱，呢碗拉面既面底软硬刚好，汤底有浓郁既鲜味，仲要加左辣肉酱有点儿辣味！真系够哂层次丰富！同埋份量都真系唔少～～同埋够多葱!感觉好好！！白汤拉面： 够哂多叉烧！又有流心蛋，个汤底好有肉既精华味道！同埋份量都真系几多，食唔到咁多面都可以两个女仔share! 不过一人一碗就爽d!饺子：味道好好！！ 好想再食多次！炸鸡：粉够薄，热辣辣劲脆口！ 打到呢度又好想再食多一次！