新蔡潤記魚旦粉麵 (已結業)

又到星期六，放工返到大埔唔系新蔡就旧蔡 ~ 先去旧蔡，见人头拥拥，想企系度等位都唔得，唯有转去新蔡啦，唔洗等就有位坐喇，希望有惊喜啦 ~自制辣椒油，够香够辣，每次都要两大碟先够我食一碗面，其实真正既主角系辣椒油。唔知点形容𠮶种吸引既味道，好鲜、清新、浓郁、蒜香、辣椒香、刺激、劲辣 ﹗鱼蛋鸳鸯加底加皮，啲鱼蛋真系一次比一次差，口感又腍又散，就算无牙都食到呀，依家连鱼片都一样，点解变成咁架？真系食材价格高涨，要偷工减料、加多少水？质数、好食最紧要，为左保持高水准出品，我谂食客都唔会价意加价，最紧要好食。依家每食一次，评分就越低，有咩可以帮到手呢？粉面都系批发提供，所以质量一向都保持，只系睇吓师父啲煮面手艺到唔到加啫。粉口感滑，但几硬净吓，无左以前棉滑既口感，其实将汤既温度稍为提高，烚多几秒已经做到，贪快系咁意拖一拖，点会煮到好河粉。熟面就煮得几好，咽靭弹牙有赵口又保持蛋香，正。好多食家系食评度话炸鱼皮又㶶又硬，其实依个系正常传统既炸鱼皮，同薄薄一块似薯片既完全唔同。依只净啡色硬屈屈系要先放汤，将部份浸软及吸汤，食既香脆又夹杂住软软既口感，索晒汤既精华，刚好平衡返佢既咸味，系好好食架。