Chapter 1 Cafe (已結業)

早几日 早放左工 想上去楼上cafe坐下hea下 食个饭 行行下去左恒威商业中心我同楼下个看更八下有冇咩推荐 佢同我讲6楼新开 于是我上左6楼睇下 一出lift 见到呢张图鬼马入到去坐 环境比我想像中好 似美式乡村酒吧格局 都几靓 坐低之后一个相信店主嘅物体过黎同我讲佢地新开 开左个几星期 佢地个卡邦尼其他客人都几喜欢 推荐我可以试试佢 佢话佢地有dinner set 有汤有包有野饮 价钱都唔算贵 个汤佢话佢地主打三款 每日随机新鲜自家制 今日系菠菜忌廉汤 听到咁有heart于是我落单之后佢地以快过谭仔嘅速度上左个包同汤比我鬼马过多阵个卡邦尼都上左黎 大家都知卡邦尼用蛋黄去捞 我个人系钟意厚身嘅口感嘅 佢个蛋黄够香 捞出黎个质感够厚 好岩我口味 捞完之后 我食第一啖 蛋黄嘅香 烟肉嘅脆 面条嘅弹 完美融合系呢碟卡邦尼入边 之后我都为表敬意 以费达拿开波嘅速度食晒成碟 成个过程就好似恋爱一样 由未食嘅期待 到第一啖嘅甜蜜 最后食晒嘅空虚 走果时我同店主讲 I will be back弱水三千 只取一瓢饮 世界有好多嘅卡邦尼 但我谂 我已经揾到最适合自己嘅卡邦尼