良辰吉時 (已結業)

台湾除左美景多，台式饮品都特别多，趁住今日同同事到旺角行街街，顺便黎试试最近由台湾空降既良辰吉时，听闻仲要系5大之一黎添。良辰吉时由台湾著名艺人纳豆开创，外表同其他都差唔多姐，又唔见有咩特别呢，良辰吉时最特别既地方在于佢既五款招牌珍珠，包括黑糖、白玉、黑芝麻、抹茶和火龙果。啵爆黑糖厚鲜奶 $36第一次当然要试下佢既招牌啵爆黑糖厚鲜奶，先比个评语吧，味道的确唔错呢，饮过咁多唔同既大牌子之中，我认为系三甲之内。啵爆黑糖厚鲜奶既外观非常吸引，用浓厚有质量既黑糖同埋够rich既鲜奶，营造岀完美既挂杯效果，颜色特别层次分明，当然味道先系最重要，黑糖味道虽浓厚，但成件事唔会过份甜，加上重点既黑糖珍珠，粒粒流心黑糖珍珠够晒啵爆吧。