丼瀛 (已結業)

观塘分店嘅丼瀛重开啦！星期二既丼𤅗仍然座无虚席，加上网上评论赞多过批评，身边朋友都赞好，尊重民意既我决定试一试丼瀛。餐厅非常阔落，灯光十足。- 焗帆立贝我哋叫左明太子味同芝士味，特别之处在于丼瀛将帆立贝切粒后再焗，并非原只焗，食落非常爽口弹牙。明太子焗帆立贝味道比较丰富，芝士焗帆立贝比较腻，但滋味程度爆灯🤤- 烧大虾头虾头好大，不过虾身肉质麻麻，相比焗帆立贝变得普普通通。- 锅烧乌冬份量好足料，入面有炸鸡同炸虾，捞匀蛋黄后汤底无咁咸，乌冬就好滑溜。- 甲罗烧松叶蟹肉丼卖相十分豪迈，松叶蟹肉同三文鱼籽铺满丼饭上面，加上两支饱满蟹脚，鲜甜无比。更夸张既系仲有甲罗烧，蟹膏香浓，咸甜适中，送饭可谓绝配。整体嚟讲，焗帆立贝同蟹肉丼好出色，味道提升咗一个层次，真系强势回归。