Da Filippo Trattoria (已結業)

寻日去完，好失望！首先食物质素一般，所谓米芝莲星级厨师，名过其实。其次，朋友订枱时候留咗birthday message写名响甜品碟，点知完全冇咗件事，当场叫佢补番，出到嚟啲朱古力字有啲溶咗，而且亦冇问番生日𠮶个叫咩名，完全系敷衍了事。第三，问佢拎支蜡烛，开头有个外籍女同事话餐厅唔可以点蜡烛。我哋同佢讲，个birthday message冇咗，蜡烛又唔俾点，咁其实呢餐系生日饭㖞，𠮶位女同事道歉完就行开。之后叫埋单，先至有个男仔施施然咁话自己系餐厅经理。例牌都系道歉同讲句生日快乐，然后话其中一个甜品唔收钱请我哋食，其实我哋唔系想食免费甜品，只系想要番只生日碟同点支蜡烛咁简单。我又再问个男经理点解冇蜡烛，佢嘅解释系话惊有机会activate到天花板𠮶啲自动洒水系统㖞...... 我再问咁如果个客自己带蛋糕呢又俾唔俾点蜡烛，男经理又话得，咁即系其实你咁大间餐厅系冇蜡烛提供啦！结论系，除咗甜品系好食之外，其他食物都唔ok，真心唔会再帮衬！同埋奉劝各位想去呢间餐厅庆祝生日嘅朋友，请你哋自备蛋糕或者蜡烛 (切饼费我冇问)，俾唔俾你哋点蜡烛就睇吓你好唔好彩喇！P.s. 睇到之前有另外一篇食评都系同我