影片
更多
2009-02-03
因为成日行过都好多人排队，又听闻佢响台湾好出名，忍唔住去帮衬下佢嘅招牌珍珠奶茶...第一次(新开张几日)：珍珠奶茶唔太甜又有茶味，珍珠有嚼劲又唔会张埋一旧旧，十蚊，抵！第二次(两星期后)：已经同平日帮衬6蚊杯嘅港式"台湾奶珍珠茶"差唔多，有啲后劲不继...第三次：因为lunch无咩胃口，行过又帮衬杯珍珠奶茶。比咗钱都知道要等一轮(大概有十几个order)，于是行开咗10分钟先返嚟，见到剩返4-5个order到我，于是唔行开继续等。其实大部份企响度嘅人都比咗钱买嘢饮，短短十分钟，已经望到我之后原来都已经再有十几个order。但系企咗七、八分钟，佢都叫唔到一个order，仲突然之间话后面唔知几多号嘅order因为电脑有问题而唔知出咩嘢。大家开始鼓噪，赶时间嘅人问可唔可以插队做咗自己嘅order先。虽然我觉得问都多余，但个收银男竟然同个客讲「我都帮你唔到」、「要等半个钟架...你行一阵先嚟..」然后有个讲唔咸唔淡广东话+英文嘅女人问店员可唔可以听日先嚟攞，当然比人拒绝啦。个女人问咁点解唔整个告示写明要等半个钟，等个客知道自己有无时间先落order。负责出order嘅靓妹竟然火上加油话因为唔系
第一次(新开张几日)：珍珠奶茶唔太甜又有茶味，珍珠有嚼劲又唔会张埋一旧旧，十蚊，抵！
第二次(两星期后)：已经同平日帮衬6蚊杯嘅港式"台湾奶珍珠茶"差唔多，有啲后劲不继...
第三次：
因为lunch无咩胃口，行过又帮衬杯珍珠奶茶。比咗钱都知道要等一轮(大概有十几个order)，于是行开咗10分钟先返嚟，见到剩返4-5个order到我，于是唔行开继续等。其实大部份企响度嘅人都比咗钱买嘢饮，短短十分钟，已经望到我之后原来都已经再有十几个order。但系企咗七、八分钟，佢都叫唔到一个order，仲突然之间话后面唔知几多号嘅order因为电脑有问题而唔知出咩嘢。
大家开始鼓噪，赶时间嘅人问可唔可以插队做咗自己嘅order先。虽然我觉得问都多余，但个收银男竟然同个客讲「我都帮你唔到」、「要等半个钟架...你行一阵先嚟..」
然后有个讲唔咸唔淡广东话+英文嘅女人问店员可唔可以听日先嚟攞，当然比人拒绝啦。个女人问咁点解唔整个告示写明要等半个钟，等个客知道自己有无时间先落order。负责出order嘅靓妹竟然火上加油话因为唔系成日都要等半个头所以唔会有通知。虽然仲有几个order就到我，但系我都觉得佢哋嘅服务真系超差，令到其他等紧嘅客人觉得更唔耐烦。个女人要求负责人出嚟，但收银男同靓妹竟然异口同声话自己系第一日返工，咩嘢都唔知，结果激到个女人比咗钱都唔要啲嘢饮就走。
后来我见到啲嘢饮出咗嚟，但个靓妹都仲唔叫冧把。于是问可唔可以出咗已经ok咗嘅order先，点知佢竟然话因为前面有order有问题所以要做返𠮶个order先可以出后面嘅order(但ok咗嘅order已经放咗响柜面)。
其实我明白新呢种特许经营店初初打入本地市场要调节返个口味迎合消费者，品质有差异都可以被谅解。但佢嘅管理模式同市场策略似乎都欠完善。好似而家啲顾客搅到咁劳气，竟然连一个连络渠道都无。我第一次帮衬都觉得comebuy不失为一间有诚意嘅茶店，希望佢嘅下场唔会搅到好似响台湾捞得好掂，但嚟到香港就折嘅东甩店啦
张贴