祥仔辣辣 (雅蘭中心) (已結業)

由于疫情影响，已经好耐无返上大陆食酸菜鱼，所以一直系香港希望揾到好食既酸菜鱼。知道旺角有一间新开既祥仔辣辣既餐厅，特登慕名而来一试酸菜鱼既味道。祥仔辣辣位于旺角雅兰中心，系正地铁站出口隔离交通方便，去到无人排队，但系门口企左好耐都无人出来招呼。等左十分钟终于先人来招呼入座，明显人手不足。一入到去睇到餐牌套餐做紧特价288，而且款式唔小，一于就叫嚟试下。上菜速度都可以接受，等左5分钟左右先嚟左川辣口水鸡，鸡质地普通，一般市面食到既口水鸡既味道。再黎惹火木耳，都算爽口，前菜嚟讲可以接受。祥仔招牌水煮鱼，叫得招牌酸菜鱼，搞到人地好大期望，点知食落口就好大失望，由先个汤无乜味，无乜味都唔会特别去饮，酸同辣味都唔突出，如果惊食辣既朋友可以试下，我就真系觉得无咩味，鱼肉都还算可以。喷火小笼包，比较叫有特色既一味菜式，比一般小笼包唔同，主打辣味为主。香芹猪肉水饺，一啖过，但好难食，食唔落成旧吐返出嚟。干匾四季豆，算系成个套餐最出色的一味菜，入味同爽口，比其他菜式好味。成个套餐黎讲，真系几失望由期是系酸菜鱼个一部份，满心欢喜食酸菜鱼，但估唔到落差咁大。应该都无下次再黎食。