巴蜀烤全魚 (已結業)

屯马开通真的好兴奋，梗系要试搭啦。网上shortlist左间餐厅就出发。喺宋王台站B3出口直行到最尽，见到九龙城广场正门𠮶条大街就系狮子石道啦。间铺比较近商场门口，都几易揾。我大推呢度嘅川式串烧，出色嘅地方系烧得干身，孜然味好出，好有系大陆食嘅风味。大推黑椒牛仔粒、秘制鸡肉串同孜然鸡中翼，全部都正。另外叫左炉鱼，呢度可以原条叫又可以叫小边（即系细份d)，就算两个人食都唔怕叫咗鱼太饱食唔落其他嘢。我叫左香麻辣味烤鲈鱼，略嫌唔够辣，食得辣嘅可以叫大辣凉拌麻辣大肠肚丝同埋泡椒鸡脚都好掂。我食饭𠮶日，人流不断好多人入嚟食饭，未够七点已经坐爆晒。