R66 旋轉餐廳 (已結業)

我岩岩食完呢间R66，一返来我就已经忍唔住要上来俾d评语。坦白讲，我真系好后悔，平时揾地方食野，都会上来做下research，今次做漏左，就注成大错。不论食物定系服务都好差，我真系好想打个电邮俾胡应湘，佢咁样做间餐厅，真系有损香港形象。1. 如果你用佢个生日优惠，你一定要有心理准备，好似俾差人查身证咁，个分别系差人可能识讲唔该，佢既待应系唔识。2. 你经常都会听到佢既部长跟待应讨论工作安排、放假既工作安排，完全寓工作于娱乐，仲要系大大声咁讲，你可想而知气氛会系点。3. 我第一次去餐厅男厕同女厕会系埋同一格，真系一个好既旅游景点‧‧唉。4. 食物方面，因为之前既朋友都俾左好多好中肯既意见，所以我唔重复，只不过想提出，佢地既食物质素真系keep得几好，无论第一分钟整好出来，又或者一个钟头后，食物既味道都keep到一样，完全唔似果种食物本身既味道，你试过食鱼生，食完即刻想吐既感觉嘛？唔打咁多，如果都系唔信我地既评论，请即管去试下啦。