滿屋日本料理 (大鴻輝(荃灣)中心) (已結業)

首先，𠮶度啲嘢系好食嘅，刺身系新鲜嘅。果度都多人既，就算系平日星期三夜晚，都劲多人。但佢竟然可以张所有位都缩到劲！窄！劲！细！真系CLS咁都得，我真系唔知应该赞佢100%奉行香港地少人多既特色，定系话佢识善用资源好🫠我哋四个人，两个男仔两个女仔，我哋连两个男人坐埋一边都做唔到。一定要一男一女坐一边先坐到，个座位仲要连个背囊都放唔到，要放喺地下明明好多位剩，但系竟然将四个人塞入一个正常西餐厅嘅二人座位。啲座位好窄，好难出入，临走出去买单𠮶阵，仲搞到我条颈巾比我逼到跌咗落地下😑 $4xx一条友，都未平到要我坐喺个d比大排档仲要窄嘅位里面食饭挂？然后𠮶啲位靠背仲唔系固定喺地下！即系话你后面啲人坐低起身行嚟行去，你个座位就会俾人地郁到银行银下。🥲跟住唔知道系唔系佢比员工嘅人工太低定系工时太长，个个都黑口黑面，又成日唔应人，上菜仲超级无敌慢🙄Conclusion:1. 卫生环境一般2. 座位舒适度非常之差3. 服务态度差4. 食物几好味要唔要去呢度食嘢你自己谂啦。如果你生得又矮又细粒嘅话可能会好啲嘅。我会建议外卖拎走。