影片
更多
2021-09-20
4525 浏览
我系第一次写食评，真心想大家睇完再决定食唔食原本谂住订观塘放题，结果冇晒位就改去荃湾食，一开始系谂住冇铁板烧个间渔屋，但冇晒位唯有拣呢间，本来都有期待下去到发现餐厅好细，本来已经唔多位又搞开放式厨房望落有7-8个厨师整嘢食，谂住上菜会好快，结果我哋一共落咗四次单（唔计雪糕），每次都要等劲耐.隔离枱迟嚟过我哋，我哋叫咗有15分左右佢哋先落单，但竟然系上佢哋枱先？？？？你话同时上都冇咁嬲，佢哋上完我哋仲要等😡既然要同时上菜唔系预计好每枱分量？每一转我哋都差唔多等咗20-30分钟先上菜🥱🥱刺身我哋叫咗甜虾、大赤虾、带子、三文鱼、北寄贝，全部唔新鲜，虾仲有怪味，得带子稍为叫好食¯\_( ͠° ͟ʖ °͠ )_/¯熟食方面，等待时间上面讲咗，卖相一般，牛肉落太多调味好咸炸物类：理解到可能即叫即炸/翻炸，但都系等好耐，而且天妇罗外衣完全唔脆，蕃薯上面又撒咗劲多盐，咸到不得了！野食同饮品选择好多，水果茶系唯一会再order，炒饭炒乌冬上一大碟，我哋得两个人上咗4人分量🙂可能因为我哋系最后一轮，正常半个钟前就会停止order俾雪糕纸，我哋谂住快快食完就走，就提前问佢哋拎咗，选择都好多，但好多都冇哂，得番焦糖
原本谂住订观塘放题，结果冇晒位就改去荃湾食，一开始系谂住冇铁板烧个间渔屋，但冇晒位
唯有拣呢间，本来都有期待下
去到发现餐厅好细，本来已经唔多位又搞开放式厨房
望落有7-8个厨师整嘢食，谂住上菜会好快，结果我哋一共落咗四次单（唔计雪糕），每次都要等劲耐.隔离枱迟嚟过我哋，我哋叫咗有15分左右佢哋先落单，但竟然系上佢哋枱先？？？？你话同时上都冇咁嬲，佢哋上完我哋仲要等😡既然要同时上菜唔系预计好每枱分量？每一转我哋都差唔多等咗20-30分钟先上菜🥱🥱
刺身我哋叫咗甜虾、大赤虾、带子、三文鱼、北寄贝，全部唔新鲜，虾仲有怪味，得带子稍为叫好食¯\_( ͠° ͟ʖ °͠ )_/¯
熟食方面，等待时间上面讲咗，卖相一般，牛肉落太多调味好咸
炸物类：理解到可能即叫即炸/翻炸，但都系等好耐，而且天妇罗外衣完全唔脆，蕃薯上面又撒咗劲多盐，咸到不得了！
野食同饮品选择好多，水果茶系唯一会再order，炒饭炒乌冬上一大碟，我哋得两个人上咗4人分量🙂
可能因为我哋系最后一轮，正常半个钟前就会停止order俾雪糕纸，我哋谂住快快食完就走，就提前问佢哋拎咗，选择都好多，但好多都冇哂，得番焦糖味雪条（Haagen dazs），红豆同Movenpick朱古力/草莓味，由雪柜拎出嚟嘅嘢都要等25分钟🥱，唔知系咪专登等大家都递纸先一次送，定系懒得走几转,正常系9：20要交枱，佢15分先送雪糕嚟，我哋提早拎纸到底有咩意义？
员工好多时间都系hea紧，特别系负责整嘢食嘅，好多次望过去佢哋都系停手倾紧偈😶收碟次数少之可怜，明明都好多时间无所事事，见到客人食完都唔收碟，系要堆满先肯收，饮品仲有半杯反而收咗㖞🤣
呢间嘢作为日式餐厅可以接受，但放题真系取消吧！700几蚊两个人，大多数时间都系等待度过.
低过呢个价钱嘅放题好多都好过佢，野食差，服务差，唔知点解仲可以收咁贵，冇一样嘢可以作为卖点
我食过好多间放题，呢间系唯一一间唔会再想去食，完全系伏
刺身
140 浏览
1 赞好
0 留言
张贴
