The Hunt Coffee & Roastery

营业中

休息中

今日星期日同朋友来观塘一间餐厅食午餐，几多人排队，等左一阵就可入座，餐厅几靓，蓝色墙身，配一大块玻璃窗，外面光带入室内，感觉舒服。我系见到个甜品而吸引来食，就系Tiramisu。Pork Collar Butt摆装精美，配菜种类多，味道亦好，份量十足。用猪肩肉配搭蘑菇蚝酱汁，为猪肉提鲜，唔会过咸。肉质嫩弹，猪味都重，唔会油腻，但有少少油香；配菜有新薯，口感佳；火箭菜好香，加上芒果粒同红桑子减油腻，食完唔会有负担。比较特别系有d菇粒，亦有炸脆的菇片，好好味。Hunt Signature Tiramisu我期待嘅Tiramisu，超级好食。手指饼浸过咖啡酒，有咖啡香同酒香，口感松软绵绵，非常轻盈，蛋糕好幼滑，有奶香同淡淡cream cheese 味，香甜味美。上面朱古力脆片好正，仲有装饰的橙脆片都好味，脆卜卜又唔会酸，甜甜地，口感估唔到咁好的果干。Green Tea Latte奶泡密度高，轻身绵滑，抹茶味浓郁，茶甘奶香，而且唔太甜。心心拉花好靓，饮完心情变得更好。