金屋泰國菜館

营业中

休息中

真系好挂住泰国呀 今晚就嚟咗呢间好泰国嘅餐厅 门面同内部环境都系好黄金 配合返个餐厅名 金屋 见到好一啲佛像做摆设 真系好有泰国感觉😂餐厅有部大电视 不断播住佢地有咩餐厅推介嘅菜式😺 我地都拣咗其中一样 泰式煎蚝饼 蚝饼以铁板上 上台嘅时候仲热辣辣 系咁有嗞嗞声 蚝饼都几多蚝 基本上啖喺都有蚝肉 唔似其他餐厅 蚝饼唔系炸到全脆 而系个边有少少脆 中间比较湿润 可以食到蛋香 点埋个甜甜地 辣辣地嘅酱 味道更加丰富 蚝饼底下放咗芽菜 可以吸返多余嘅油 所以唔算太油腻 又唔会林晒😋 泰式黄咖喱牛腩 成煲上嘅咖喱够晒热😍 配菜除咗薯仔 仲有洋葱同红椒 黄椒 咖喱微微辣 都食到啲椰奶味 可惜牛腩偏瘦 同期望中嘅质感有啲分别 但都算几大嚿肉泰式薄饼 薄饼配咖喱就非常之夹 薄饼已经切到细细块 好方便蘸汁同进食 几酥脆🙊咁啱我地拣嘅所有菜式都有泰式两个字 真系惊死你唔知食紧泰国菜咁🤭 最推介大家食泰式煎蚝饼 真系好回味🤪