河畔強記雞粥海鮮酒家 (已結業)

帮衬过强记好几次，次次行山经过或者起呢头附近都会想食。 佢个乳鸽好似愈黎愈贵，而家$55蚊只。不过其实都算大只，啖啖肉又juicy,唔会太咸，好食啊。鲍鱼鸡粥$25 都算抵，一大煲。 鲍片有两块，虽则粥不算太绵， 但啲鸡几好食几入味，一煲都有成四碗嫁两个人叫左个孖寳$138叫左白灼虾，大大只弹牙唔会霉，都几新鲜，有鲜甜味姜葱蟹都真系几大只，啖啖肉。记得以前去长洲食果啲又系二百蚊简两个𩠌，全部都系虾毛蟹仔，所以强记真系几抵食，起码真系真材实料。埋单每人百四蚊仲有糖水送，红豆大大粒，甜度岩岩好，平时最怕酒楼d 红豆沙又甜又重果皮味。呢个好味啊，食完好满足，超饱😍正啊。