龍島 (已結業)

收工想买甜点返屋企一齐食！龙岛以前只食过朱古力！未买过蛋糕！门面好企理，光猛干净！蛋糕卖相唔错！$28一件合理（而家西饼真系几贵都有！一山还有一山高 ）食物只可以外卖，无堂食！入去雪柜前，店员好nice咁问我要乜，我话拣饼，佢就由得我慢慢拣！之后我叫佢要买四件，一个纸盒刚刚好！店员会问埋要不要叉！会帮我包埋一齐！攞到返屋企打开包装盒，依然靓仔，每件饼都用胶纸包好！唔会干！又唔会沾到其他饼，影好相，大家一齐开动！为了食评，我另外三件都食一啖！木糠蛋糕：比较轻，蛋糕松软，味道清爽，唔太甜！栗子蛋糕：栗子蓉好滑，蛋糕松软，唔会过甜！比利时纯朱古力芝士蛋糕：蛋糕面一块朱古力皮，好浓朱古力味！中间一半朱古力，一半朱古力慕丝蛋糕！好滑好味！朱古力软心蛋糕（60%可可）：呢件我食，蛋糕好浓朱古力味，比较实，朱古力味浓而微甘，大人嘅口味，蛋糕面有朱古力粉，好易扬起，呛喉！但味道好味！龙岛以朱古力起家！所以朱古力味道嘅蛋糕好好味！浓得来唔酸（有啲饼店啲浓度高嘅朱古力会酸）其他两款其实好味！但水准普通啲！店员好亲切，几细心！可以碌卡！方便！四围试饼感觉真好！