一條腸粉 (已結業)

星期六行街行到攰. 行過見到呢間店想坐下食D野, 你知啦宜家好興食潮州腸粉XD 而且食腸粉都唔會太飽~ 所以我地一行二人就叫左一份腸粉, 1碗牛丸湯, 同埋馬鮫魚丸~牛丸湯有6粒牛丸, 好彈牙, 丸既入面仲帶有少少粉紅色, 感覺用上新鮮牛肉整成, 好食!馬鮫魚丸原來係咸魚整成, 亦都好彈牙, 咸香十足, 食到想叫碗白飯添啊!!另外就係腸粉, 都幾大份,  加左蛋好好食! 建議大家一定要加蛋!! 豆漿就正常, 見到可以加埋小油條, 不過食唔落啦XD 另外仲有點心/飯/好多小食, 都幾多選擇~