丸亀製麵 (大本型)

营业中

休息中

丸龜製麵嘅烏冬一向出名，除左彈牙亦算滑身，加埋湯都好味😋見到油塘開咗分店，於是試吓。今次只係嗌咗最簡單嘅溫泉蛋烏冬，另外加一個個素菜魷魚，但有啲失望。無諗過淨烏冬完全好似加豉油湯咁，不過烏冬算彈牙粗身，最終都成碗食晒。溫泉蛋整得太稀，一咬即破變成食生雞蛋咁，我個人就麻麻哋。素菜魷魚棒入口都係太軟身，雖然都有少少鮮魷魚味，可惜無咩咬口，俾小朋友食可能啱啲🤔我覺得最失望係餐廳只有樽裝飲品，仲要套餐只能配汽水，其他飲品如綠茶紅茶都要加錢。埋單$70，我覺得屋邨餐廳嚟講都唔算太抵，加上食物平平，相信都未必再回頭。