丸亀製麵 (大本型)

营业中

休息中

丸龟制面嘅乌冬一向出名，除左弹牙亦算滑身，加埋汤都好味😋见到油塘开咗分店，于是试吓。今次只系嗌咗最简单嘅温泉蛋乌冬，另外加一个个素菜鱿鱼，但有啲失望。无谂过净乌冬完全好似加豉油汤咁，不过乌冬算弹牙粗身，最终都成碗食晒。温泉蛋整得太稀，一咬即破变成食生鸡蛋咁，我个人就麻麻哋。素菜鱿鱼棒入口都系太软身，虽然都有少少鲜鱿鱼味，可惜无咩咬口，俾小朋友食可能啱啲🤔我觉得最失望系餐厅只有樽装饮品，仲要套餐只能配汽水，其他饮品如绿茶红茶都要加钱。埋单$70，我觉得屋邨餐厅嚟讲都唔算太抵，加上食物平平，相信都未必再回头。