麵麵 (已結業)

未食过鱼乌冬唔知系乜东东黎，咁特别点可以唔试下😛呢度个门面几靓，闪令令既招牌加上植物几别致，入到去天花仲吊左d 星星同花。✨呢度主打鱼面同鱼乌冬， 原来个分别就系鱼乌冬系有50%鱼肉，而鱼面就有70%~ 仲有佢个招牌鱼汤都要试试。✨桂花啤梨肉花茶：跟餐加$22, 桂花加啤梨肉呢个配搭估唔到又几好饮，味道好清香，又带少少啤梨既甜味，几健康。✨鱼之恋（$72): 鱼汤清甜无味精，鱼面质地非常爽口同弹牙几过瘾。入面有鱼蛋，鱼肉春卷，墨鱼春卷，鱼腐，鱼片头每样一粒。全部质素都唔错，有咬口得黎几有鱼味。✨鱼皮饺子配柚子汁（ $48 ）：个饺皮好弹口，馅料有韭菜同猪肉，配搭蟹籽食落脆卜卜～配埋个柚子汁酸酸地，估唔到又几开胃几好味。✨咖喱吉列猪扒拌鱼乌冬（$82): 呢个比鱼面粗身d, 食落无爽得咁劲，不过都系好爽口弹牙。捞埋咖哩汁仲正wo😍好惹味，个咖哩微微辣，唔食得辣既我都食得到。 呢款明明鱼肉得50%, 但反而个鱼味出d, 5 知系咪因为粗身d 既关系呢。吉列猪扒都炸得好松化，点埋沙律酱好味。✨流心芝士墨鱼波（$48): 即叫即炸超级热辣辣，墨鱼波劲弹口同好够味，不过如果再多啲芝士就更加好。