TERA (寶發大廈)

营业中

休息中

📍佐敦 TERA之前经过呢一间餐厅，已经觉得佢嘅style好正，好简约得来又见到佢有精致嘅装饰。今日行过佐敦，谂唔到食咩，于是就打算嚟食疏乎厘。呢间餐厅嘅疏乎厘好出名，系由曾经去到法国蓝带深造嘅厨师主理，可想言之系几出色🩵。٩(˃̶͈̀௰˂̶͈́)و香蕉Speculoos曲奇梳乎厘Pancake $108梳乎厘松软蓬松，一摸落去就感受到弹弹吓弹弹吓嘅质感，令人感到好有空气感。仲有，梳乎厘上面放咗香蕉同埋Speculoos曲奇，呢两种材料嘅组合好得意，香蕉带嚟嘅甜味同曲奇嘅香脆口感超夹🩵Oreo窝夫 $108佢嘅窝夫系啱啱烤好，所以热辣辣非常好食，加埋面头嘅cream同埋Oreo碎，口感好丰富，而且唔会非常甜，味道啱啱好。🦖明太子蟹肉意粉 + 蜜桃玫瑰梳打 $156明太子嘅咸香同蟹肉嘅鲜甜相结合，带嚟一种绝妙嘅味道体验。意粉煮得刚刚好，弹牙又有咬劲，每一口都令人回味无穷。而蜜桃玫瑰梳打则系一个绝配，清新嘅蜜桃味同玫瑰嘅芬芳融合一齐，帮助中和意粉嘅浓郁味道，真系一个完美嘅搭配。