歡樂海鮮酒家

营业中

休息中

哥哥快要返澳洲，今日我哋一行十人嚟呢度 farewell 佢。虽然呢度唔多就脚，环境又一般，但胜在海鲜靓，煮得又唔错，Service都几好，所以拣呢度。炒班球 - 班球是黄皮老虎班，鱼皮爽口弹牙，肉质爽爽哋又唔韧，十分好味炆班头腩 - 我哋好钟意食呢度嘅大班两味，尤其是班头腩 ，做得很出色，炸得班腩脆脆哋，再烩番个汁，正！班腩也有很多肉。今次水准比以前差咗D，有部份班腩唔够脆，但味道也不错。上汤龙虾 - 很大碟㖞，龙虾很爽口，虽然龙虾味淡咗D，但有鲜味，有炒面喺底，炒面很脆，加上龙虾上汤，好好味呀蒸鲍鱼 - 几大只㖞，口感唔错，又唔韧，不错。蒜蓉粉丝蒸圣子皇 - 圣子皇好鲜甜又爽口，粉丝就一般啦海鲜汤 - 唔知有咩嘢料，但好鲜甜，好味道。油盐焗奄仔蟹 - 奄仔蟹喺我的最爱，以往每次都好正，今次D膏就少咗D，又唔够香，好失望呀，虽然唔太差，但同以前有差别。炸子𪉃 - 有鸡味，外脆内滑，食落口咸咸香香咁，味道很好。炒菜 - 菜心又腍又甜，味道不错。食神炒饭 - 炒得够干身，好味道，饱都要食番碗。最后仲有果盘, 埋单$3999，价钱都OK。