尚品墨魚丸大王 (已結業)

嚟到一定要試佢哋嘅招牌墨魚丸！有分黑、白，黑色就係加咗墨汁~食落好濃墨魚味，而白色就鮮味同彈牙啲!另外值得講嘅就係佢哋嘅喇沙湯底(白色墨魚丸嗰碗)，如果會有埋半隻雞蛋同兩粒豆卜，湯底唔會好辣，有淡淡嘅椰香味。而冬陰功湯底就比較清啲(黑色墨魚丸嗰碗)，食晒成碗都唔會覺得太溜。香煎鮮蝦餅都味如其名好鮮味，因為係煎嘅關係，唔係坊間炸嗰種個皮脆卜卜個種，所以食落都唔會油膩，食多幾嚿都冇罪惡感😋反而仲食得出更多蝦嘅鮮味！