大門橫丁串燒手打烏龍麵店 (山東街)

营业中

休息中

想食乌冬嘅话，嚟大门横丁就有好多选择👍🏻第一次嚟食，真系花多眼乱😵‍💫🤣1️⃣胡麻软壳蟹沙律手打乌冬（$88）夏日炎炎好适合食冷盘！所以就拣咗呢个胡麻酱捞沙律乌冬食，胡麻酱系分开上嘅，唔怕太多或太少酱👍🏻软壳蟹都算好多，而且够脆，啲酱分开上就唔惊将佢整淋。沙律有蟹籽同青瓜，捞埋一齐食口感十足。手打乌冬非常弹牙，可以满足钟意食乌冬嘅人🙌🏻2️⃣猪骨汤极上牛肉手打岛冬（$84）呢个汤乌冬可以自己拣汤底，有鱼介猪骨汤、猪骨汤、蕃茄汤等等。由于呢个极上牛肉汤乌冬实在太多牛，汤底嘅牛肉味多于猪骨汤味🤣🤣所以有少少对汤有失望。不过正如上述所讲有好多牛肉，食得好满足，乌冬一样弹牙👍🏻👍🏻配料亦都有半只糖心蛋，做到基本发挥。另外想赞一赞配料嘅四季豆都非常新鲜，冇渣，配合粟米粒一齐食，非常有口感。📍总结：-会再次嚟食，因为佢嘅手打乌冬真系冇得弹🥰另外亦有非常多嘅乌冬选择，下次嚟会想试芝士乌冬同捞乌冬。