影片
更多
2023-03-05
416 浏览
难得早放工就想食餐好，朋友话有间意粉几好食就去试吓。龙虾汤热辣辣，非常可口。而且因为加咗忌廉，口感顺滑。龙虾味道十分浓郁而且有鲜味，且咸香十足，虾肉亦都系十分之爽口弹牙。香浓野菌汤，同龙虾汤一样热辣辣，而且非常足料。除咗本身有野菌嘅香味，入口嘅时候亦都有淡淡的菇蓉，佢Blend嘅程度十分之好，口感香滑浓郁。亦都有一啲香草做点缀，令到味道嘅层次更加丰富。酥炸鸡髀菇配拉丝芝士酱，鸡髀菇有好浓郁嘅天然菇香，同埋弹牙嘅质感，同鸡肉口感以及味道类似。加上油炸过后，酥香滋味，香脆可口，值得一赞嘅系佢哋炸皮唔会话好厚，炸完之后亦都有调味。芝士更加有热过，令到嚿菇可以均匀咁沾满芝士汁。同时芝士味比较淡，并唔会盖过鸡髀菇嘅鲜味，伴碟嘅沙律菜同埋蕃茄都系好爽口。芝士份量都好多，唔会话唔够喉。酥炸软壳蟹黄金忌廉蟹肉意粉方面，呢款意粉有咸蛋黄、蟹肉以及蟹籽做𩠌。软壳蟹原只上碟，所以非常之大只，有差唔多一个拳头咁大，而且可以啖啖蟹肉。咸蛋黄以及蟹籽粒嘅份量亦都好多，所以令呢碟意粉口感非常丰富。蟹肉方面，酥香十足，而且炸得非常脆口，并唔会咬唔开嘅，而且蟹肉蟹膏亦鲜甜味十足。意粉方面，意粉爽滑弹牙，口感滑腻。值得一
龙虾汤热辣辣，非常可口。而且因为加咗忌廉，口感顺滑。龙虾味道十分浓郁而且有鲜味，且咸香十足，虾肉亦都系十分之爽口弹牙。
香浓野菌汤，同龙虾汤一样热辣辣，而且非常足料。除咗本身有野菌嘅香味，入口嘅时候亦都有淡淡的菇蓉，佢Blend嘅程度十分之好，口感香滑浓郁。亦都有一啲香草做点缀，令到味道嘅层次更加丰富。
酥炸鸡髀菇配拉丝芝士酱，鸡髀菇有好浓郁嘅天然菇香，同埋弹牙嘅质感，同鸡肉口感以及味道类似。加上油炸过后，酥香滋味，香脆可口，值得一赞嘅系佢哋炸皮唔会话好厚，炸完之后亦都有调味。芝士更加有热过，令到嚿菇可以均匀咁沾满芝士汁。同时芝士味比较淡，并唔会盖过鸡髀菇嘅鲜味，伴碟嘅沙律菜同埋蕃茄都系好爽口。芝士份量都好多，唔会话唔够喉。
酥炸软壳蟹黄金忌廉蟹肉意粉方面，呢款意粉有咸蛋黄、蟹肉以及蟹籽做𩠌。软壳蟹原只上碟，所以非常之大只，有差唔多一个拳头咁大，而且可以啖啖蟹肉。咸蛋黄以及蟹籽粒嘅份量亦都好多，所以令呢碟意粉口感非常丰富。蟹肉方面，酥香十足，而且炸得非常脆口，并唔会咬唔开嘅，而且蟹肉蟹膏亦鲜甜味十足。意粉方面，意粉爽滑弹牙，口感滑腻。
值得一赞系佢哋嘅意粉，系你可以比自己选择，纽西兰托托蚬意粉我就拣咗宽面，同平时出面有啲唔同，口感方面佢哋煮得啱啱好，口感唔会淋哂，非常之弹牙。然后托托蚬份量都好足够，每一粒蚬都好大旧肉。而且海水味亦都好重，亦都冇沙。汁酱方面佢哋就用啲比较淡啲嘅普通牛油同蒜头去煮，但平凡中就已经可以带出佢嘅鲜味，啲汁酱亦都好多，令到意粉都好有蚬嘅味道。
最后冻热情果汁酸酸甜甜，酸同甜嘅比例大概7:4。非常开胃解渴。蜂蜜柠檬亦都系甜度足够，份量亦都系刚好。意粉质素几好，加少少钱就可以有买汤同嘢饮，所以都系建议一定要加个套餐，抵食好多。
张贴
