麵麵 (已結業)

记忆中嘅鱼面系细细个打边炉嘅时候食，估唔到餐厅用鱼面做主题，除左鱼面仲有鱼乌冬加埋鱼汤，鲜味弹牙。一坐低职员会送上一杯细嘅鱼汤，暖下个胃。叫咗一个烧安格斯牛肉捞鱼乌冬，满满嘅牛，加上捞左芝麻酱嘅鱼乌冬，非常之香，仲有泡菜嘅香辣味，不过如果牛肉再热啲会比较好，另外加多只温泉蛋，令酱汁变到更加香浓。另外仲叫咗安格斯牛肉便当🍱，有一碗大大碗嘅鱼汤，煮到好入味嘅安格斯牛，同埋餐厅嘅招牌鱼春卷，每一样主菜都配有唔同嘅小菜，令到胃口大开。