野玩海店 (已結業)

叫了焗波士顿龙虾餐，梗系配龙虾，酱汁要左芝士汁，加个手造pizza。枱上准备咗湿纸巾，围裙，胶纸同餐具等等，好细心。先上餐包，上枱时仲暖暖地，面包好松软，加上牛油食好香。再上沙律，生果食得出系罐头生果，但沙律菜几爽口几新鲜，不过个人钟意千岛酱多过沙律酱，而呢度嘅沙律就冇得选择。二人餐跟番茄汤，酸酸甜甜，质地较稀，一样冇乜特别冇乜惊喜。Pizza唔错，皮边好脆口，有淡淡芝士同料。虽然跟餐Pizza fix左 ，但呢个手造pizza好惊喜！ 好食。用料分布平均，淡淡都食到辣肉、青椒、粟米、红椒、芝士等等材料！最后主角上场，原只龙虾浸喺芝士酱入面， 另有两只青口、四旧薯仔、四旧粟米、两只虾。青口比较细只，而且唔太先甜，可能俾啲芝士酱掩盖左。薯仔配芝士酱就好夹好好食，反而粟米唔太衬芝士酱，虾就被青口新鲜同爽口，而且几大只，唔错！龙虾有一只男性手掌咁长，龙虾肉啖啖肉，好爽口，点买芝士酱系perfect match！ 本来以为个餐咁少嘢食会唔够饱，不过食完个龙虾又真系饱左！但为食嘅我见到人食生蚝又忍唔住嗌咗两只gillardeau。呢款生蚝肉质比较林，唔系爽口之选，不过入口充满海水味，然后慢慢变甜