彩晶軒 (已結業)

之前去过尖东彩晶轩饮茶, 觉得D食物都几好, 例如菠萝叉烧餐包, 面头几脆, 里面既叉烧馅料味道又调得唔错, 最惊喜的是马蹄糕, 夹住唔会散, 咬了咬仲有淡淡既蔗糖味, 比一般既马蹄糕多了一份香味, 甜甜的有咬口, 非常特别, 我仲同朋友系咁争食。 昨晚又去左食晚饭, 今次试左个大虾沙律, D虾爽爽地, 同一般沙律差唔多。 另外比较出色既系榄角排骨, 一上菜大家已经觉得伴碟既蕃茄兔仔好得意, 一入口就食到D排骨有浓浓既榄角味, 而且好脆身, 加上有蜜糖吊下味, 都几野味。 唔够饱又点个斑球煎米, 为方便大家夹起, 酒楼已先将成碟煎米切成一块块, 每块好似Pizza咁, 饼底就系煎米, 上面铺满斑球, D米粉煎到外干内软, 外面加D豉椒汁, 脆脆地几好味。 总的来说, 上菜算快, 食物有一定水准, 可以一试!