影片
更多
2014-10-11
1459 浏览
星期六课外活动完！当然要奖励肥髀食餐好！同妈咪姨甥揾间好餐厅！呢间由星加坡引入！今个暑假去星加坡都无时间去试！今次去还心愿！即日打电话去订位！星期六居然仲有位！去到个场只有半满！特别活动影响真大！环境较暗！昏黄灯光配深木家私，坐中央卡位，卡位好阔落（因为可以坐六人）两边卡位中央有条河分隔！河中有几把莲花灯！好诗意！不过无围篱！肥髀同猪表妹又好好奇！真系怕佢哋会盅落水！枱面酱油同餐牌都好精致！尤其个茶壶，铜制好保温，又靓又实用！上开饭网揾定食家推介（唔会中招），叫了：三色玛瑙蛋：系比参考相片吸引，个卖相好特别，至少屋企整唔到，似系三色蛋糕，食落味道咸咸地，咸蛋味为主，皮蛋味唔出，而咸味唔会好重，几特别！不过食两件都几腻！捞拌海中宝：上枱见一大堆青葱辣椒响面，以为好辣，食落酸多过辣，个汁配上烟韧海蜇，爽脆青瓜丝，仲有爽口虾肉四粒！味道好配合！肥髀都食唔停口！妈咪直头留起啲汁，再点其他食物食！皇朝小笼包：一笼8只！8只唔同色，卖相好靓！每一只味道都唔同，我食了人参同麻辣，人参唔觉苦，基本上唔觉带参味，麻辣系辣，汤汁有辣油，但唔算麻辣！（我自己唔食麻辣，唔钟意个嘴唇麻痺晒）小笼包汤汁好多，但个
三色玛瑙蛋：系比参考相片吸引，个卖相好特别，至少屋企整唔到，似系三色蛋糕，食落味道咸咸地，咸蛋味为主，皮蛋味唔出，而咸味唔会好重，几特别！不过食两件都几腻！
捞拌海中宝：上枱见一大堆青葱辣椒响面，以为好辣，食落酸多过辣，个汁配上烟韧海蜇，爽脆青瓜丝，仲有爽口虾肉四粒！味道好配合！肥髀都食唔停口！妈咪直头留起啲汁，再点其他食物食！
皇朝小笼包：一笼8只！8只唔同色，卖相好靓！每一只味道都唔同，我食了人参同麻辣，人参唔觉苦，基本上唔觉带参味，麻辣系辣，汤汁有辣油，但唔算麻辣！（我自己唔食麻辣，唔钟意个嘴唇麻痺晒）小笼包汤汁好多，但个皮唔会穿（8只都无穿）汤多到真系可以吸啜！托底唔系平时用纸，系一块白布！唔知有乜分别！
猪骨汤鲜肉卷拉面：猪骨汤无日式咁浓咁浆口，系比较清，但唔系淡，而系浓清汤，系好似砂锅云吞鸡汤！浓而清！汤面幼而滑，够弹牙！猪肉片较硬！肉味浓！卤蛋半熟唔错，好好味！
柠檬芦荟桂花蜜：上枱卖相好靓，好清新，一饮个蜜汁清甜，微微柠檬酸，芦荟粒索晒啲汁，好爽！冰冰凉凉，食完可以解腻！
食物固然好！卫生又好，除店内环境干净，厕所非常干净！设备齐全！服务都好！店员好快手！好似我叫了甜品20分钟都未见，店员有礼即跟进！上茶收碟都会讲一声！
张贴
