Mr. K Pizza N Chicken (已結業)

铜锣湾登龙街出名多嘢食，今次同朋友就食咗呢间韩式炸鸡手工pizza专门店。餐厅主打韩国菜，有特式招牌拉丝Pizza、手工薄饼、韩式炸鸡、意粉及小食等。彩虹炸鸡配芝士包有齐晒8款炸鸡口味，泡菜蛋黄、黑糖、蜜糖芥末、甜辣、香草青柠、蒜香蜜糖、双重芝士、BBQ香辣。中间仲有大大个芝士包，包焗到外脆内软，食落仲有pizza嘅香味，将炸鸡沾满芝士，非常邪恶！意大利辣肉肠手工薄饼薄饼批边食落好松软烟韧，外皮带少少脆，配上辣肉肠、蕃茄酱，仲有大量芝士，芝士多到可以拉起芝士瀑布，仲要新鲜出炉热辣辣，香喷喷！