影片
更多
2024-09-20
3098 浏览
《石磨乐豆 - 将军澳》事缘有一日放工，行过地铁站俾我见到呢一间专卖豆乳嘅小店舖，原本以为只系卖下豆浆，点知睇吓Menu竟然都有卖咸食吐司，所以一直记住呢一间嘢嘅存在😉前排放lunch𠮶阵时唔知食咩好，突然之间醒起不如买吐司同埋甜品返公司食，由我公司行过去地铁站都只系5分钟，所以二话不说就冲咗落去睇吓仲有咩选择😎虽然店舖细细，但系佢卖嘅种类都几多，有豆乳、豆花甜品、多款不同口味嘅即制吐司同埋仙草甜品等等，睇嚟呢间嘢试几次都试唔晒佢啲产品💁🏻♀️彩虹芝士吐司 $42作为一个芝士控，对于Grill cheese 真系无办法抗拒的说，其实入面就系放咗拉丝感极强嘅Mozella cheese 😎不过佢将芝士用咗食用色素变成彩虹嘅颜色，食落都系咸香味十足，芝士延伸性好强，趁热食可以做到好长嘅拉丝效果😂味道我觉得唔错的💁🏻♀️樽装9%微甜浓豆乳 $18听讲佢嘅豆乳超浓郁，我就买咗嚟即场饮，饮落唔太甜，又好浓郁嘅豆乳喺个口腔徘徊好耐，饮落顺喉，不过唔好睇小呢一支豆乳嘅份量，饮完其实都几饱💁🏻♀️樽装黑白芝麻豆乳 $28原本谂住食咗一件吐司同埋饮咗一支豆乳惊之后会肚饿，所以我就买多咗支黑白芝麻豆乳谂住
事缘有一日放工，行过地铁站俾我见到呢一间专卖豆乳嘅小店舖，原本以为只系卖下豆浆，点知睇吓Menu竟然都有卖咸食吐司，所以一直记住呢一间嘢嘅存在😉前排放lunch𠮶阵时唔知食咩好，突然之间醒起不如买吐司同埋甜品返公司食，由我公司行过去地铁站都只系5分钟，所以二话不说就冲咗落去睇吓仲有咩选择😎虽然店舖细细，但系佢卖嘅种类都几多，有豆乳、豆花甜品、多款不同口味嘅即制吐司同埋仙草甜品等等，睇嚟呢间嘢试几次都试唔晒佢啲产品
💁🏻♀️彩虹芝士吐司 $42
作为一个芝士控，对于Grill cheese 真系无办法抗拒的说，其实入面就系放咗拉丝感极强嘅Mozella cheese 😎不过佢将芝士用咗食用色素变成彩虹嘅颜色，食落都系咸香味十足，芝士延伸性好强，趁热食可以做到好长嘅拉丝效果😂味道我觉得唔错的
💁🏻♀️樽装9%微甜浓豆乳 $18
听讲佢嘅豆乳超浓郁，我就买咗嚟即场饮，饮落唔太甜，又好浓郁嘅豆乳喺个口腔徘徊好耐，饮落顺喉，不过唔好睇小呢一支豆乳嘅份量，饮完其实都几饱💁🏻♀️樽装黑白芝麻豆乳 $28
原本谂住食咗一件吐司同埋饮咗一支豆乳惊之后会肚饿，所以我就买多咗支黑白芝麻豆乳谂住下午茶饮，结果个饱肚感太强劲😂所以拎咗返屋企先再饮，相比起原味，我觉得呢个黑白芝麻，反而多咗一阵果仁香，冇𠮶支浓豆乳咁浓稠，但系个黑白芝麻嘅香气徘徊口腔好耐，几好饮的
💁🏻♀️三色芋圆豆腐花 $30
我仲买咗个三色芋圆豆腐花返公司食，三色芋圆都不外乎系番薯圆、紫薯圆同芋圆，口感弹牙烟靭，另外个豆腐花用红糖水浸住，我就觉得相对冇咁滑溜，但系豆腐花吸咗红糖水嘅味道，可以唔使另外再落糖浆都已经够晒味，清清地食个冻豆腐做下午茶都唔错
张贴
