岱民(彩雲)潮州打冷

营业中

休息中

彩虹邨原来有个熟食中心，呢种旧式冬菇亭唔系好多地方有，中午去咗岱民潮州打冷度食午餐。呢间餐厅除咗有打冷食之外，平时仲有两𩠌饭，而且仲系一间茶餐厅，款式相当之多。沙茶牛肉与煎蛋搭配公仔面，加杯热奶茶，呢个组合真系好正！沙茶酱味道独特香浓，带出左牛肉嘅鲜美。每一啖牛肉嫩滑且不失嚼劲，公仔面的烹煮恰到好处，唔会软烂，而双面煎蛋嘅火候掌握得宜，流心蛋黄好juicy ，增添咗多层次嘅口感享受。至于厦门炒米粉搭配冰柠檬茶，又系另一番风味。厦门炒米粉相对香港嘅镬气炒粉，会比较湿润，营造出独特嘅绵滑口感。味道酸甜适中，加咗海鲜、鸡蛋等多种食材，相当丰富，而且好开胃，令人食欲大增！