千房 (已結業)

两个人中午walk-in 前往，成个场好静，最多只系三、四枱，但员工至少有十个，企哂出嚟扬声说话而非工作，站在客人立场上认为非常滋扰。期间一男一女上前，女似系经理，喺未问过客人嘅情况下失惊无神拎电话出嚟影，话要「帮」我地影食物相，但事后并无发回相片，令人感觉佢哋只系想自己「帮」自己影。而且非常失望嘅一点系，本来抱著可以享受吓「DIY大阪烧」嘅乐趣，入座时亦有再三提醒店员，结果所有食物都系煮好哂上，座位前嘅铁板只系用嚟热住啲食物。如是者我忍唔住手即刻上OpenRice 望吓千房（旺角）依间餐厅嘅食评，见到都有唔少正评，再望吓中评同负评，先发现我都感同身受。抱歉并无影到食物相，因为当时已经无哂心情，只想快手食完离开。我哋点咗三样嘢，和牛、大阪烧同广岛烧，食物质素上认为绝对有好多更好嘅选择。依间餐厅，无下次。