團日式拉麵 (已結業)

開新既日式拉麵店，係正荃新天地隔離，行完街食就perfect! 平時夜晚都好多人排隊，難得放假中午人少少就試下先。同日本拉麵店一樣，先在門口拉麵機買拉麵，有4款湯底可揀，今次先揀黑蒜湯底，另外，麵底可選曲麵或者直麵，先試曲麵。飲品都好多款揀，好似全部係日本野，幾特別。黑蒜湯底唔算超濃厚，但勁多炸蒜係面，好香黑蒜味，配上曲的拉麵確唔錯，叉燒有2大塊，半脂肪半肉，如果厚切少少會更有口感，流心蛋一大隻，一開個黃流哂出黎，做得唔錯。富士山可樂，飲落似有氣益力多，但略貴$22。