嚐糖

营业中

休息中

平时同朋友系旺角食完饭都好钟意行过黎广华街睇下有咩甜品铺想食，今日见到呢间外面望入去细细间但坐满人的当糖，就入黎试下。入面的装饰都系似足学校啲课室的，连桌椅都系用课室果款，好有特式。原来餐牌的款式好多，可以慢慢拣。贴堂作品之一，西瓜大少，$50, 用咗半个西瓜，中间装上小丸子，凉粉，兰香子等，西瓜很清甜多汁，食落好爽口，好香西瓜味，系解暑之选。双球雪糕，$68,朱古力味加士多啤梨味，很大球，份量好足，清甜够味，加有3份配料，朱古加彩针，棉花糖同Orea 碎，味道好夹。原桶即撞豆腐花，配桂花糖，$40,用原桶装好有特式，即撞的豆腐花系特别嫩滑，要慢慢瓢起黎食，入口即溶，豆腐味香浓，落桂花糖更加带出香甜味。