Casa Di Luna (已結業)

星期日夜晚同老公去食西餐。Set Dinner包前菜、餐汤、主菜、甜品同饮品。煎鸭肝配青苹果黑醋汁鸭肝煎得岩岩好，口感软绵绵，而且好肥美，充满油脂感，配脆多士就岩晒。龙虾汤味道浓郁，有只虾仁系汤到，热辣辣几好饮。香煎羊架配牛油薯蓉羊架有三只，唔系细羊架个种，肉占几大部分，唔算有膻味，肉质软嫩，好食。封门牛柳配野菌烧汁牛柳食得出系靓牛，肉质软腍，熟度岩岩好，伴菜都系有绵滑既薯蓉、红萝卜同芦笋。Casa di Luna 提拉米苏Tiramisu入口即溶，系近期食过最好食既tiramisu，好正。餐饮叫左冻柠茶同热咖啡。