影片
更多
2022-10-25
90 浏览
🏮睿・居酒屋🏮大坑出名多美食，呢次专登走入来试一试呢间睿・居酒屋。喺网上睇相已经觉得非常吸引，来到就更加觉得：冇来错！首先系环境，虽然店舖面积唔大，但店嘅装修极之用心，系日式嘅庭园风，有各种植物围绕以木材为主调嘅建筑，令人有一种去咗日本嘅感觉。而店员嘅服务态度都好好，好专业，令客人好感受到被款待。喺日式居酒屋食嘢，唔单止系食食物，更加系食一个配套：环境、气氛、食物嘅摆盘（简直系艺术品）、服务等等，而呢间居酒屋系实至名归的。食物方面，先叫一碟前菜(枝豆)($28)。用酱油浸泡过，有微微嘅清甜味嘅枝豆，系好开胃嘅前菜！另一款小食系鳕鱼鱼干($68)。烤得非常恰度好处，做到香脆之余，又唔会有焦味。鳕鱼鱼干嘅鱼香好香浓，绝对绝对唔系普通嘅鱼干。配搭沙律酱咁食，每一啖都系享受，令我忍唔住点多咗一杯Sapporo生啤500ml ($78)。刺身方面，今晚靓材料系薄切鲛鲽鱼刺身($288)。相信师傅系一位好有技艺、对食物好有要求嘅师傅，Serve出嚟嘅刺身盘简直可以话系艺术品：每一片刺身嘅薄度非常一致，而且系晶莹透薄。配搭柚子酱油，令本来清淡嘅鲛鲽鱼刺身提升去到另一个层次，系视觉与味觉嘅享受。除咗鱼
大坑出名多美食，呢次专登走入来试一试呢间睿・居酒屋。喺网上睇相已经觉得非常吸引，来到就更加觉得：冇来错！
首先系环境，虽然店舖面积唔大，但店嘅装修极之用心，系日式嘅庭园风，有各种植物围绕以木材为主调嘅建筑，令人有一种去咗日本嘅感觉。而店员嘅服务态度都好好，好专业，令客人好感受到被款待。喺日式居酒屋食嘢，唔单止系食食物，更加系食一个配套：环境、气氛、食物嘅摆盘（简直系艺术品）、服务等等，而呢间居酒屋系实至名归的。
食物方面，先叫一碟前菜(枝豆)($28)。
用酱油浸泡过，有微微嘅清甜味嘅枝豆，系好开胃嘅前菜！
另一款小食系鳕鱼鱼干($68)。
烤得非常恰度好处，做到香脆之余，又唔会有焦味。鳕鱼鱼干嘅鱼香好香浓，绝对绝对唔系普通嘅鱼干。配搭沙律酱咁食，每一啖都系享受，令我忍唔住点多咗一杯Sapporo生啤500ml ($78)。
刺身方面，今晚靓材料系薄切鲛鲽鱼刺身($288)。
相信师傅系一位好有技艺、对食物好有要求嘅师傅，Serve出嚟嘅刺身盘简直可以话系艺术品：每一片刺身嘅薄度非常一致，而且系晶莹透薄。配搭柚子酱油，令本来清淡嘅鲛鲽鱼刺身提升去到另一个层次，系视觉与味觉嘅享受。除咗鱼身刺身，亦有两块脂肪部位，每一啖都流露出浓浓嘅鱼油香，真系会想一再品尝。大赞！
西京烧银雪鱼 ($168)。
西京烧是指以西京渍腌鱼肉后再直接烧的料理，呢一碟西京烧银雪鱼煮得非常之好：每一啖鱼肉都充满清甜嘅味道，加上微微嘅烧烤香味，令人会想细细品尝每一啖，以确保冇浪费师傅嘅心思。大力推荐呢道菜，绝对值得。
芝士免治鸡肉棒 ($48@)。
免治鸡肉加上厚切嘅Cream Cheese，再拎去烤，配日本蛋黄做「酱汁」，又系另一个极致嘅配搭。佢嘅免治鸡肉每一啖都有软骨，口感丰富。作为芝士爱好者，呢一款串烧令我有种飘飘欲仙嘅感觉。
清酒煮蚬 ($118)。
最后系呢一大碗清酒煮蚬，有好充足嘅大葱吊味，加上大大只蚬，释放出海鲜嘅鲜甜，汤底一流。师傅好有心思，加咗粉丝落去，令到客人可以享受埋个汤底。
呢一餐真系一种享受，令呢次大坑之旅画上圆满句号。
大大大大大大满足！
张贴
