團日式拉麵

营业中

休息中

老老豆豆我真系第一次喺香港见到成部食券机栋系门口嘅拉面店，简直好似去咗日本咁！上面有齐哂拉面嘅选择，加面加料都系靠哂部机，见上面仲有好多种日本汽水，所以我又忍唔住试埋！买完食券入去坐定定等食，真系有日本feel！嘢饮试咗信洲白提子梳打，饮落就系有气版嘅qoo，另外仲试埋好似好特别嘅抹茶可乐，抹茶味唔算重，反而系可乐味重啲，都算几特别！拉面选择唔算多，我就拣咗樱花虾汤底配曲面，汤底好香浓唔会太油或者过咸，叉烧够软淋但就偏肥同较薄，溏心蛋嘅流心程度就刚刚好！比起其他贵价拉面，我觉得绝对系抵食同埋可以再访！