影片
更多
2024-06-11
98 浏览
今日lunch time同同事去公司附近揾餐厅食，见近近地就冇谂太多，坐低就求其叫啲嘢食。午巿时间，餐厅唔算多人，一直都有吉位，其间又冇咩人拣呢间茶记外卖。入到去，待应比咗一啲常餐同饭餐嘅餐牌我地，见我地睇咗一阵都未落柯打，跟手就比多两个散叫嘅餐牌我地睇，见入面选择仲多花款，感觉待应态度几好，肯比多两个餐牌我地拣嘢食。我地就叫咗一个常餐同一个散嗌，点知落单𠮶下，呀姐一听到我叫散嗌，态度即时180度转变，写都未写，即时同向楼面同厨房放声大叫咗两次食物名，不突止，仲对住我话话：「午巿叫呢样，真系高难度！」。期间厨房师傅收柯打之后，就只系重覆咗食物名，就去整了。坦白讲食物味道系唔错嘅，整出嚟都新鲜，庆幸嘅系厨房冇助纣为虐，帮呀姐加我地呢枱料，令到啲食物更加「出色」…其实，我并唔介意待应坦白同我讲午巿只会卖某啲食物，其他嘅就只会喺非午巿时段供应。咁样既可以有效地同客人沟通你嘅期望，又可以心平气和地道出你自己嘅意见。但喺呢位饮食从业员嘅身上，我只系睇到：佢恃住自己身为茶餐厅嘅一份子，试图以主场之利同同事嘅交情去奚落一位食客嘅选择，好彩嘅喺当时茶记无任何一位待应呼和佢，又或者作出一啲举动怂恿佢去继
其实，我并唔介意待应坦白同我讲午巿只会卖某啲食物，其他嘅就只会喺非午巿时段供应。咁样既可以有效地同客人沟通你嘅期望，又可以心平气和地道出你自己嘅意见。但喺呢位饮食从业员嘅身上，我只系睇到：佢恃住自己身为茶餐厅嘅一份子，试图以主场之利同同事嘅交情去奚落一位食客嘅选择，好彩嘅喺当时茶记无任何一位待应呼和佢，又或者作出一啲举动怂恿佢去继续言语欺凌我地呢一枱，只系紧守岗位，默默耕耘…
大家都系打工嘅，放lunch大家都只系得一个钟头，打工无话边个比边个压力大，边个比边个份工作更加高尚，既然系咁，点解唔可以多啲体谅，少啲争执，话哂都系打工仔，相煎何太急呢？
张贴