新潮樓 (已結業)

顶手喜善，开咗两三个月。以前门口左面个标志「大锦鲤鱼缸」（依家「潮」字位置）已改建做储物房。红日嚟讲场面都比较静，估计系好多人未知emax又有番中菜食。装修沿用喜善旧装潢冇大变，仲系企理。据知单页套餐餐牌每周换一次菜式，反而觉得套餐选项每层加多几个菜式俾客多啲选择实际啲。三人行，二人套餐其实已好够食。「潮州卤水杂锦拼盘」鹅件、红肠、猪大肠、鱿鱼、酸菜，少少哋乜都有啲，鹅件系有啲偏咸外，其他可以。「点心拼盘」分咗两笼一碟，份量唔少，牛肉烧卖有啲牛味又够熟；粉粿馅唔多但冇大大劈黏稠状嘅嘢算几爽口；煎堆仔系豆沙馅。「滑蛋虾仁炒河」有啲河黐埋一细旧变硬，欠足够芡汁有啲唔够捞河。唔好当系啲好pro嘅打冷，当普通坐得舒舒服服唔催客走又相对宁静嘅菜馆或酒楼系ok。