影片
更多
2019-03-12
925 浏览
由於係網上見到自助餐有6折早鳥優惠，7日前已經一早打電話預約留位，原價要500左右一位，6折後約300，即刻無咁肉痛。去之前已經睇咗不少評論，心裡大概對菜式選擇有個底，應該唔會好豐富。同朋友都預咗主攻三文魚同生蠔。不過去到先知太低估選擇少嘅程度，基本上一眼睇哂個格局。自助餐大致分為以下幾個位：魚生壽司、海鮮、熟食、沙律、即開生蠔同甜品。三文魚一開始好快比人拎哂，不過食到中段基本上唔使排隊。另有其他刺身同煙三文魚，但個人覺得唔同款三文魚其實唔係好食到差別之處。刺身入口尚可以，不過感覺新鮮程度有待改進。有迷你刺身丼，幾好食。壽司無咩特別，餡料較普通。海鮮長期都多人排隊，有長腳蟹、大蝦、蜆個類，但選擇都係不多。值得讚嘅係有提供唔少剪刀比食客，方便剪蟹腳。長腳蟹味道頗鮮甜，難怪咁多人拎完又拎。而大蝦味道較一般。生蠔係即場開比你，由於只有一個師傅處理，長期都有條隊。當晚一共食咗兩款生蠔：法國蠔、愛爾蘭蠔。法國蠔細隻少少，海水味無咁重。愛爾蘭蠔肉質厚身少少，海水味會重啲。呢兩款即使唔加任何醬料或檸檬汁，都唔會太腥，怕腥嘅朋友可以一試。沙律有幾款選擇，我試咗兩款。一款係雞肉沙律，另一款係青豆雞胸沙律
7日前已經一早打電話預約留位，
原價要500左右一位，
6折後約300，即刻無咁肉痛。
去之前已經睇咗不少評論，
心裡大概對菜式選擇有個底，應該唔會好豐富。
同朋友都預咗主攻三文魚同生蠔。
不過去到先知太低估選擇少嘅程度，基本上一眼睇哂個格局。
自助餐大致分為以下幾個位：魚生壽司、海鮮、熟食、沙律、即開生蠔同甜品。三文魚一開始好快比人拎哂，不過食到中段基本上唔使排隊。
另有其他刺身同煙三文魚，但個人覺得唔同款三文魚其實唔係好食到差別之處。
刺身入口尚可以，不過感覺新鮮程度有待改進。
有迷你刺身丼，幾好食。
壽司無咩特別，餡料較普通。
海鮮長期都多人排隊，有長腳蟹、大蝦、蜆個類，但選擇都係不多。值得讚嘅係有提供唔少剪刀比食客，方便剪蟹腳。
長腳蟹味道頗鮮甜，難怪咁多人拎完又拎。而大蝦味道較一般。
生蠔係即場開比你，由於只有一個師傅處理，長期都有條隊。當晚一共食咗兩款生蠔：法國蠔、愛爾蘭蠔。
法國蠔細隻少少，海水味無咁重。
愛爾蘭蠔肉質厚身少少，海水味會重啲。
呢兩款即使唔加任何醬料或檸檬汁，都唔會太腥，怕腥嘅朋友可以一試。
沙律有幾款選擇，我試咗兩款。
一款係雞肉沙律，另一款係青豆雞胸沙律。
雞肉沙律味道不錯，加上沙律醬都算開胃。
但青豆雞胸沙律可能加咗醋，味道太酸反而好怪。
熟食多數為中式菜，所以我唔係試咗好多。
要咗一份牛扒，牛味好突出，唔會好多筋位或者太肥，算係好不錯。
天婦羅款式好似唔太多，同埋唔係好夠熱。炸餃子我覺得尚算可以。值得一提係有個麵包位，供食客夾包或自行用麵包刀切開法包，都幾有趣。
由於食物太少關係，我跟風切咗塊法包，口感其實唔多香脆，要配牛油一齊食先好啲。
水果有五至六款，味道正常，但提子偏苦。
甜品方面，有haagen daz幾款雪糕，但有點硬身。亦有少量蛋糕、慕斯等甜品。有啲以細杯盛載嘅慕絲根本無細匙羮比食客，餐廳供應嘅匙羮太大，係挖唔到底。我問過侍應，佢地話無細嘅匙羮，真係好無奈。（唔知本身無供應定無哂）
题外话/补充资料：
自己都係情願比返貴少少嘅價食返多選擇嘅自助餐。平平地又只想主攻海鮮生蠔嘅朋友都可以試下呢間。
(以上食记乃用户个人意见 , 并不代表OpenRice之观点。)
张贴
