圍威喂 (誠信中心) (已結業)

早左到公司公司,要揾小小野依肚,趁今日早左成个钟,可以行远小小揾野食,唔洗来来去去都系长沙湾广场.呢到都几偏僻下. 地方唔大,座位有点窄.佢既早餐,同普通茶餐厅有D分别, 都几有特色.叫左个鸡扒流心蛋吐司.吐司有成两大块,仲要烘到脆卜卜,好得. 其实净系食两块包都好饱..鸡扒好大块下,下面仲有块生菜同埋番茄,原来仲有沙律酱既..如果我知道有,我会叫走酱.蛋酱加埋吐司一齐食,真系绝配!下次想试埋猪扒流心蛋吐司.顺带一提,佢杯热柠菜好好饮, 饮完我搞一搞,发现有块青柠仔.难怪同出面系有D唔同,佢茶底唔系苦涩个种,但加左块青柠味道仲好饮左.